Saturday, April 26, 2008

lisensya

Ala-una, iyon ang oras na umalis kami dito sa bahay para pumunta sa LTO at kumuha ng driver’s license. Napakainit ng panahon ngayon, tulo ng tulo ang pawis ko. Gusto ko ulit maligo kahit kaliligo ko lang. napakadaya nga ng panahon, naulan daw sa Manila, samantalang dito sa Cavite ubod ng init. Tapos nagugutom pa ako, masarap ang pancit canton. Mamaya makakain pag-uwi sa bahay.

Naka-kotse kami pero sa tito ko iyon. Yung kotse na gamit naming ay kailangan pang buksan ng driver para makalabas kami dahil sira na ang pinto nito. Hindi ka makakalabas pag hindi binuksan ng driver. Ganyang kaganda ang unique na kotse na pinahiram samin.feeling reyna ka kasi pagbubuksan ka pa ng driver. Hindi ko alam ang dami dami naman nilang kotse, ang pinahiram sa amin ang unique na kotse na ito. Tae talaga, bakit sila may kotse samantalang kami wala. Inggetera na naman ako. Bad iyon mia. Pero sana man lang bigyan kami ng kaunti nilang biyaya at ibigay nila ang isa sa mga sasakyan nila. Sabi nga sa Simbahan “Share your blessings”. Kailan kaya mangyayari iyon. Shet talaga.

Nakarating na kami sa LTO. Pawisan na naman ako pero hindi naman ako maasim. Mabango pa rin ako parang bagong ligo pero talagang mainit. Made-dehydrate talaga ako sa panahon ngayon at malala baka mahimatay na naman ako. Buti na lang mahal ako ni Lord hindi naman ako nahimatay.


Ang daming pila sa LTO. Asa naman ako nauubusan ng pila sa LTO. At infairness maraming sasakyan ang mga Caviteno, puro nga lang motor. kasi mas mura at convenient ang motor sa traffic, bagay na bagay sa mga laging nalalate. Pero ang disadvantages din naman ang motor, ito yung tipong ang buo mong katawan at mukha ay parang may powder kaso hindi baby powder kundi alikabok, mangingitim ka pa at ang malala prone pa sa aksidente ang motor. Talsik ka talaga pag hindi ka nag-ingat sa pagmamaneho. Dehado ka kasi ikaw ang tatalsik pag nadali ka ng malalaking sasakyan.

Anong oras na? Daisy-siete na ang palabas, hindi pa rin ako tapos. Nakakainip at nakakagutom pa. sana matapos na ako.

Sortijas, Mia Irish, Window 4.

Ayan, magbabayad na ako sa cashier para sa license ko. Antay ko na lang yung sa window 7 para picture-an ako. Paano kaya ang ngiti ko? Labas ang teeth o hindi?

Sortijas, Mia Irish, Window 7. tingin ka lang sa camera at smile.

Shet, natatawa ako, pigil sa tawa Mia. Panget ka sa lisensya mo, sige ka mukha kang tanga. *smile*

Pirma ka na lang dyan sa pad.

Naalala ko na naman tong pirmahan na ito. Nung kumuha kasi ako ng student license sa Cavite City, finger print ang ginawa ko kesa sa pirma ko. Aba malay ko ba, wala pa naman ako kamuwang muwang sa mundo nun. Katanga ko talaga dati.

Okay na po na? saan na po yung sunod? -MIA
Dun na sa Window 9, kunin mo na yung temporary I.D. mo.
Salamat po. - MIA

Pumunta na ako sa Window 9 at nakuha na ang temporary I.D. ko at limang buwan pa bago ko makuha ang permanent I.D. ko. Ang tagal. Kaasar. Mas gusto ko yung matigas na I.D. parang professional kasi talaga.

Ayan tapos na ako. Yehey makakauwi na ako at kakain ulit dahil gugutom na naman ako. Sabi ni nanay bakit daw ang bait nung nasa Window 7 na lalaki, e ang sungit daw nun. Nagandahan daw sakin. Di na lang ako nagreact, deadma ika nga. Baka sabihan pa ako na filingera, pero deep inside tuwang tuwa at nasabihan na maganda. Kapalera talaga ako.

Nakauwi na kami sa bahay. Sarap maligo ulit pero kakain muna ako ng Pancit Canton.

Naku Mia Irish tataba ka na naman nyan e. - NANAY

Okay lang yan, bukas magdidiet na ako ulit. Promise yun. Sabay subo ng pancit canton na lalong mas masarap pag gutom na gutom ka na.

PS.

Birthday nga pala ng mahal kong INA.

happy birthday nanay. matanda ka na pero cool ka pa rin! i love you mahal kong nanay! mwah.


Wednesday, April 16, 2008

david cook will always be my baby





mahal na kita david cook. kung yayayain mo ako magpakasal, papayag ako at dapat yan ang kakantahin mo pag nagpropose ka sakin. inlove na ata ako sa kanya! haha! ang galing nya!

Tuesday, April 8, 2008

blog leave


blog break, hiatus o pahinga.

matagal tagal na rin di ako nag-gagawa ng bagong entry.

may nangyari kasi kaya biglang nawala ang gana ko sa pagsusulat.

pero panandalian lang naman itong pagkawala ko.

at hindi naman ako talaga mawawala, nandito pa rin ako, ang bloghopper ng blogosperyo.


puro pisnge talaga ako.

kailangan ko lang talaga mag-isip ng mga bagay bagay.

kailangan ko rin magswimming para naman sunod ako sa uso. haha!

kailangan ko mag-ayos ng mga papers at resume para magkatrabaho na ako. naku di na ata ako magiging dakilang tambay. tsk tsk.

kailangan ko ayusin ang buhay ko para matupad na ang mga pangarap ko sa buhay.

at

tapos nandito pa si miong (tatay ko) kaya busy ang lola mo ngayon.

pero babalik talaga ako, totoo yun. alam nyo naman na di ko kayo kayang tiisin. kailangan ko lang magrelax at puro eyebags na ako.

sana sa muli kong pagbalik kilala nyo pa ako. love you all! :)